Праходзіў надоечы паўз вашага агароду, ну, і па старой памяці не утрымаўся – зазірнуў цераз плот. І зрабіў для сябе пэўныя высновы. Не выключна, што памылковыя, аднак падзялюся. Як вядома, наш агульны знаёмы ;) ходам манетызацыі свайго рэсурсу праводзіў прафілактычныя чысткі нязручных для новаго іміджу блогераў. Добра тое было ці дрэнна, але ж (мяркую ніхто тое не аспрэчыць) лагічна і прадказальна. Як бы я да Арцёмкі не ставіўся, аднак таго, што пэўных посьпехаў у разьвіцьці свайго рэсурсу (як ён тое разумее) ён дасягнуў. Калі не паглыбляцца у тэматыку большасьці тамтэйшых блогаў, то колькасьць “пісьменьнікаў” прыемна уражвае. Не выключаю, што праз нейкі час дойдзе і да сур’ёзнай манетызацыі.
Аднак размова не аб ББ, а аб ФБ. Як я разумею з таго што у вас адбываецца апошні тыдзень, пытаньне манетызацыі гаспадары пляцоўкі вырашылі (ці спрабуюць вырашыць) самым трывіяльным метадам, лёгшы пад Дом Масквы (Мінск, вул. Камуністычная, 86) ці якую іншую ідэялагічную структуру “раша-сьвету”. Мяркуйце самі – у адзін дзень на пляцоўцы зарэгістраваныя 2 прафесійных блогера з Рашкаваніі. Абодва блогеры маюць дакладна акрэсьленую ідэалагічную пазіцыю і не асабліва хаваюць факт сумеснай дзейнасьці. Як сабе жадаеце, аднак у альтруізм “бабулі” і “дзядулі” з Рашкаваніі я веры не дам. Суткамі боўтацца на чужым рэсурсе з тэматыкай далёкай ад макшанскіх рэаліяў можна толькі па замове і, зразумела ж, не за так.
Збольшага, мне, як зазірнуўшаму праз плот, як яно тут будзе адбывацца далей – да бэзавай зоркі, аднак тут засталіся людзі, якіх я паважаю. І мне вельмі няёмка з таго, што іх тут літаральна выкарыстоўваюць у бруднай форме.

P.S. У свой час давялося пазнаёміцца са славацкімі хакеістамі-ветэранамі, што прыяжджалі на аматарскі чэмпіянат пад патранажам Калгасьніка. Вось там усё празрыста і таму лагічна: ветэраны разумелі, што ім давядзецца гуляць супраць прафесіяналаў+Калгасьніка і яны, зразумела ж, саступяць. Аднак былі агучаныя гэткія лічбы “кампенсацыі”, што я недзе зразумеў тых славакаў.